Ahizpak

Ezagutu nuenetik gustatzen zaidan hitza da ahizpatasuna, edo bai behintzat esanahia ulertu nuenetik. Alaba bakar izanda, ahizpa gabe hazi eta hezi izanda, gaztaroan arraro egiten zitzaidan hitzaren dimentsioa ulertzea, nigandik urruti zegoela uste bainuen. Urteak aurrera eta, halako batean nerabezaroarekin egin genuen topo eta oso ondo aurre nola egin jakin gabe lehenengo sareak josten hasi ginen. Lagunartean, ikaskide artean, militantzia guneetan, lantokian zein aisialdian, josi eta josi, batzuetan kontzienteki eta besteetan inertziaz.

Gehiago Irakurri

Berriz min hau… Luze dirau

Saioa Agirreren gutuna eskerrak emanez.

Hamaika urte beranduago bueltatu dira sekula joan ez ziren amesgaiztoak. Eskolako amantala jantzia nueneko gizon berdeen ezustekoa. Eskuburdinak eta izerdi hotza. Lurpeko mundu ilunerako bidaia, azkena zirudiena. Itzuli dira goibeltasuna eta beldurra. Jasandako umilazioak eta ikara. Bost eguneko biluztasuna, eta ez soilik fisikoa. Irainak, kolpeak eta mehatxuak. Ikutu lardats eta sexu- erasoak. Subjektu baino objektu zartatu sentiarazi ninduten gau eta egunak.
Gehiago Irakurri

“San Juan de la Porta Letaña…” & “San Juan Ante Porta Latina”

“San Juan de la Porta Letaña…” Gure inguruan halango berbakaz hasten da sanjuanetan kantetan dogun abestia. Hasiera hori betidanik izan jat arraroa, bitxia. Baina halantxe publizitau izan dogu sanjuanetako programetan Zornotzan. Halako batean, otu jatan wikipedian begiratzea, eta hara, sorpresa! argi eta garbi ikusi geinke aldaketa batzuk dagozala hitzetan eta jatorrizko forma “San Juan Ante Porta(m) Latina(m)” dala. Izan be, Euskal Herrian badira izen hori daukien eleiza batzuk, gitxi batzuk, esango neuke.

Gehiago Irakurri

Klase borroka, desagertu?

Hedabideek edota iritzi berriemaileek, modu etengabean, dioskue langile klasea dagoeneko ez dela existitzen. Denok garela klase ertaina eta guk geronek hala nahiko bagenu edozer gauza lortzeko baliabideak eskura ditugula. Hutsaren hurrengoa, alajaina!

Gehiago Irakurri

Zalantzak

Etxetik kanpo, birritan pentsatu gabe, zer afaldu nahi dutenak daude eta bokata eskatu baino lehen tabernako karta hamasei aldiz irakurri dutenak ere bai. Erabakiak hartzeko erraztasuna dutenak, mendia ala itsasoa galdetuz gero, jarraian, zalantza zipitzik gabe erantzuna ematen dutenak; eta horren aurrean, mendia edo itsasoa galdetuz gero erantzunik gabe geratzen direnak ere bai.

Gehiago Irakurri