Ni naiz ETAko militante bat
Melillan gudan mirabe
txapelketako kartzelakoan
zortzigarrenaren pare
kalean doinu eta neurriak
dantzan badabiltza ere
hemen burua lehengo lepotik
edo okerrago gaude
nonbait apustu egin badugu
ilargi beteen alde
gureak hemen egingo al du ba
halakoen antzik gabe?!
Hemen itzala dugu nagusi
dena ez esatearren
behin betikoak geratu gara
konponketaren astelehen
gizatasunak…aitatasunak…
non urduritzen gaituen
erantzun bako galderen morroi
lausotasunean garden
gugatik lasai guk badakigu
zer izan den eta zer den
baina ahazturak ez gaitzala jan
eguzkiratu baino lehen
Herriak orain lehen bezalaxe
irekia du eguna
gurea bezain guztiona du
argitu nahia iluna
alde batera utziaz triste
uzten gaituen ´run-run´a
azken arraina ere aske den
erreka da nahi duguna
gatibu dauden odol gorriko
bihotzen bir erresuma
berriz haizeak orraztu dezan
gure lekukotasuna