Duela hiru-lau urte, eztarriko arazoak nituela eta, logopedanera joaten hasi nintzen. Hitz egiten hasi eta berehala esan zidan, emakumeok dagokiguna baino tonu baxuagoan hitz egiteko joera dugula gizonezkoak imitatzeko. Modu honetan, gure hitzak pisu gehiago duela pentsatzen omen dugu. Ezetz esan nion, betidanik izan dudala ahots sendo eta baxu hori eta ez dudala inoiz gizonezkorik imitatu nahi izan. Ikusi ezin dudan arren, hala zela esan zidan, gure “subkontzientziak” egiten duela hori.